راحو مع بعض للدكتور وفى العياده:-
رقم (9) نادت الممرضه.
قام مراد ومسك ليلى ودخلو اوضه الكشف.
الدكتور:-بقالكو اد ايه متجوزين؟
ليلى- قربنا على سنتين.
الدكتور- ايه سبب عدم الانجاب؟........ولادى اول مره تروحو ا لدكتور؟.
ليلى متلغبطه وبتبص لمراد يلحقها ويرد بدل منها ....لكن مراد عمل نفسه مش واخد باله.
الدكتور – يا مدام؟....ايه السبب؟.......ولا متعرفوش؟
ليلى – ا....ا اصل انا وجوزى اتفقنا اننا منخلفش الا بعد سنتين من الجواز .
بص لها مراد ورفع حواجبه اوى- انا متفقتش معاكى على حاجه ......انتى اللى اخدتى القرار ده لوحدك وانا طلبت منك كتير ......بس انتى رفضتى ومحاولتش اضغط عليكى .
برقت له اوى وبصت للدكتور اللى كان بيتفرج عليهم باستغراب –بص يا دكتور ...انا كنت عاوزه افضى له لوحده ومتشغلش عنه بحاجه تانيه ........انا غلطانه؟
مراد-يا ستى مهو انا اللى طلبت منك اننا نخلف .
ليل بنرفزه- استنا يا مراد دلوقتى علشان افهم الراجل الموضوع.
الدكتور بقرف- رااجل ؟
ليلى بزهق – المهم انا ا...........
قاطعها الدكتور – بصى ...... انا فهمت الموضوع كله.......انتى قررتى انك تمنعى نفسك من الانجاب بالرغم ان انا بيجى لى ناس بيتمنو ظفر طفل وبيجوا بعد الجواز بشهرين ثلاثه.
(كلمها بحده شديده وبصراحه اوى).
بص لها-عاوز من حضرتك الاشعه والتحاليل دى علشان اعرف الموانع اللى اخدتيها اثرت عليكى ولا لاء؟
قالت فى فجعه- هى الموانع دى ممكن تاثر على وتصعب موضوع الحمل؟
والدكتور منهمك فى الكتابه- ممكن تمنع الحمل اصلا.
ارتعشت ليلى من الكلام ووشها احمر من الخوف.
مسك مراد ايدها براحه وعينه مليانه قلق وابتسم لها وهز راسه علشان تهدا.
الدكتور – وحضرتك يا استاذ حتعملى الاشعه دى علشان اعرف عندك موانع ولا لاء؟
مراد- لا معنديش...... انا عملت من فتره قريبه ومعنديش مشكله .
رفعت ليلى راسها وبصت لمراد باستغراب .
خرجوا الاثنين وبينهم صمت
((فى البيت))
ليلى فى عقل ورزانه-انت امتا عملت التحاليل والاشعه؟
وهو بيلبس هدومه- من اسبوعين كده.
- مقولتليش ليه؟
- ولو قلت لك كنتى حتعملى ايه؟.......انا حبيت اطمن مش اكتر .......خفت يكون عندى مشكله .
- مامتك السبب ....صح؟.........اصلها مش بتبطل كلام فى الموضوع ده .
نفخ- لا مش ماما خالص ........ماما بطلت تتكلم لما قلتها اننا ماشيين مع دكتور وبنتعالج.
-اه طبعا .......واكيد عارفه ان العيب منى انا .
قال فى حده- يا سيتى انا وانتى ......بنتعالج انا وانتى .....يعنى انااااا معاكى .....خلاص؟
سكتت وبصت فى الارض وبصوت واطى- بس هيا عندها حق.......وانت عندك حق.........انا الوحيده اللى غلط .
صعبت عليه واعد جنبها وطبطب عليها .
- خلاص يا ليلى .....حصل خير .
فجاءه وهو ماسك ايدها لقى دموعها نازله على ايده ورا بعضها.
رفع راسها بايده – ليلى ....انتى بتعيطى؟
-ربنا بيعاقبنى ومش حخلف صح؟.......مش حخلف.
صوتها علا من كتر العياط....حضنها جامد .....خاف عليها لاعصابها تنهار........اول مره تعيط كده.
- اهدى يا ليلى ...مين قال كده بس؟......ربنا يسهل ونشوف الموضوع ده..........لسه التحاليل والعلاج.......يعنى متوهميش نفسك .
هدت حبه وسكتت شويه.
قالت- هو انت ممكن تسيبنى لو مخلفتش؟
اتفاجاء من السؤال...مجاش فى باله الموضوع ده ابدا.
سكت حبه
-سكت ليه يا مراد؟......بتفكر فى ايه؟؟؟؟؟
اتفجع ورد بسرعه- لا.....لا.....مش بفكر والله......اهدى يا ليلى واستعيذى بالله ونامى.
- مردتش على سؤالى.
-يا ليلى اسيبك ايه بس...ده كلام برضو؟.....انتى حتتعالجى وتبقى زى الفل.
-افرض....افرض متعالجتش؟
قال بسرعه- بعد الشرر.
-افررض يا اخى بقولك.
نفخ- مش حسيبك يا ليلى طبعا .....بلاش الوساوس دى.
فضلت مستنيه يكمل كلامه زى مثلا(انا مقدرش اعيش من غيرك ......مقدرش استغنى عنك.......والحته الجامده بتاعه انتى لو قلتى انى حسيبك مش حكلمك تانى ابدا) فين الكلام ده؟.
-ليلى؟.........سرحانه فى ايه؟........انتى بالطريقه دى حتتعبى نفسك على الفاضى
حضنها جامد وكمل كلامه- والله محسيبك ابدا مهمه حصل ولا حتى افكر فى الجواز انتى عارفه انى .........
-ايييييه؟؟؟؟ تتجووووز؟؟؟؟
- ا..ا..مقصدش .......يعنى اقصد انى حفضل جنبك.
قالت وهى رافعه حواجبها وعينها بتطق شرار- انا بقول اروح بكره اعمل الاشعه واتعالج فى اقرب وقت .
مشت وسابته واقف مكانه
قال فى توتر- ليلى ....افتكرى انى قولت مش حسيبك ....ماشى؟......متنسيش يا ليلى.
ليست هناك تعليقات:
إرسال تعليق