-مش حولد الا لما ييجى مراد.(صرخت ليلى بعلو صوتها).
صفيه-يا بنتى استهدى بالله .....كلمناه وجى فى السكه .
-اااااااااه.......اااااااااااه.....حموت ......الوجع بيزيد يا خالتى الحقينى .
-الدكتور لازم يحمى الطلق يا حبيبتى .
مراد دخل الاوضه بسرعه وهو مخضوض- المره دى بجد؟ ولا زى كل مره؟
صفيه- لا .....بجد.
اتوتر وارتعش وقرب من ليلى – مين دى؟
صفيه- دى ليلى يا بنى مالك؟
-شكلها عامل كده ليه؟
-ااااااه...ااااااه.....الحقنى يا مراد ........الحقنى .
اتوتر وخاف اكتر – انا مش عارف اعمل ايه ؟......اهدى يا ليلى ...اهدى ....الدكتور جى على طول ...ربنا يستر يارب.
مسك ايدها جامد وقعد يقرا قران بصوت واطى .
صرخت جامد- حموت .......حموووت.....اوعى يا مراد تتجوز عليا بعد ما اموت.
فى خضه- لا ....لا....متخافيش مش حتجوز.
بصت له اوى – بدل متقولى بعد الشر ........اااااااااااااه.
-ياستى بعد الشر عليكى ....انتى بتوترنى ليه؟؟.......انتى فى ايه ولا فى ايه؟
الدكتور جه بص عليها – الولاده دلوقتى.
جت الممرضه علشان تاخدها.
مراد مسك ايدها جامد وباسها فى راسها ولاول مره عينه تدمع ويعيط ادامها.
وصلها لحد الاوضه بتاعه الولاده.
-متسبنيش يا مراد .....ادخل معايا.
الدكتور لمراد- ممنوع يا استاذ .....اتفضل استريح هنا لحد منخلص .....متقلقش.
صراخ ليلى بيزيد ومراد رايح جى فى الطرقه.
صفيه- اهدى يا بنى مالك؟ اول مره تشوف واحده بتولد؟
-بتصرخ اوى ياخالتى.
-ده اللى يشوفك يقول انك انت اللى بتولد.
واااااااااء.............واااااااااااااء...........وااااااااااااء.
الدكتور خرج- مبرووووك الولد زى القمر الحمد لله .
فى قلق –وليلى؟
بص الدكتور فى قرف- تعبتنا اوى .......اول مره اشوف واحده بتضرب وتعض بالشكل ده فى الولاده.
سكت مراد وقال فى خجل – اصل ليلى عصبيه ومجنونه حبتين.
ضحك الدكتور – ما انا عرفت ......ربنا يخليهوملك .........الاثنين بخير الحمد لله .
((مررررت الايام))
وااااء......واااااااء
-ليلى.....يااااااااا ليلى.
-ايوه.
-الولد بيعيط ...شوفيه.
-حاضر ..حاضر ...ثانيه واحده اشوف الحته دى.
بص على التلفزيون ومدد على الكنبه – فيلم ايه ده ؟
-لا..لا مش فيلم ........ده مسلسل ترررررركى .
قام من مكانه مفزوع ودقق فى التلفزيون اوى- مين الراجل الملون ده؟
-ده مهند........متعرفهوش.
-ايه؟ مسلسل مهند و ..و..
-نور يا اخى.
-اااااااه مهند ونووور.(صرخ بعلو صوته)
- ايوووه.......مالك؟
وقف ادام التلفزيون ودارى الشاشه عنها – مهند لا.......نور لا..... المسلسل ده بالذات لا ......مش حعرف اقلد التراكوه يا ليلى ......متخربيش على نفسك يا بنت الناس وتشردى ابنك........هاتى فيلم لعمر الشريف .....مهنننند لا.
**ملحوظه :انا سمعت ان متجوزين كتير اتطلقوا بسبب المسلسل ده بس مراد وليلى مش منهم طبعا لان مراد حلف بالطلاق تلاته ان نور لا ومهند بالذات لا وعلى ما اعتقد انه باع التلفزيون خاالص علشان يستريح واشترى بثمنه ورد وشيكولاته وروايات عبير وبوسترات لفاتن حمامه وعمر الشريف.
تمت بحمد لله
بقلم (ميار منصور )
ليست هناك تعليقات:
إرسال تعليق